Online social networks

Social Networking / Ko te Pae Pāpori

Ko te whakamahi i te Pāpori i te mahi ako me te Whakapakari i te ngaiotanga (6)

Social-media use in teaching and professional development

Kei te ora rawa atu te Pae Pāpori i waenga i te hunga tamariki i roto i ngā kura, i te kāenga, i whea rānei. I ēnei rā tonu he rorohiko, he waea pūkoro hoki kei ngā kāenga maha o te motu ahakoa tāone, ahakoa taiwhenua. Nā ēnei rawa hangarau hou ka kitea te ao e rātau, ka kitea atu rātau e te ao. (Sharples et al., 2016).  He kamakama ake te hunga rangatahi ki ngā mahi rorohiko i ngā kura mahita.  He tika tēnā me mātau e ngā kura mahita te ako rorohiko. He koikoi nga tauira ki te whakamahi i te You Tube, te Pukamata, te Instagram, te Text, te Messenger me te Snapchat i ō rātau kāenga. Kua tae kē ngā tamariki o ēnei rā ki te 21^st Century Learning. Me mōhio hoki ngā kura mahita o ēnei rā ki ēnei tūāhuatanga katoa.

Kua hou atu awau i te You Tube me te Pukamata i roto i aku karaehe i runga i te mōhio, he hāngai ngā kaupapa o te wā, kia kaua mo te tirotiro haere noa iho.  He nui tou ngā kaupapa mātauranga i te You Tube me te Pukamata e pai ana. Kei te mōhio hoki awau he āhua mataku tonu te nuinga o ngā kura mahita i te whakamahi i ēnei mea e rua.  Ki awau nei me āta aro ake i ngā mahi o ngā tamariki i ngā wā katoa.  Ko ēnei ētahi whakaatūranga hei whakatūpatotanga mā tātau.

Atu i ēnei o runga, ka whakamahia te rorohiko e ngā tamariki i ia rā.  Kua tīmata te Parent Portal mā ō mātau mātua, hei whakamōhio atu i ā rātau mō ngā āhuatanga katoa o ā rātau tamaiki i te kura.  Kei a mātau hoki he whārangi pukamata, he āhua pērā tonu i te Parent Portal hoki.  I mua tonu i te Mindlab, ko te pukamata anake taku ao.  Kua oho ake awau i ngā mahi o te Mindlab hei huarahi hou mōku i roto i te 21 Century Learning hei painga mā ā mātau tamariki.  He pai hoki te kite atu i te koa i roto i ōku hoa mahi nā tēnei huarahi.  Kua kite atu i ngā kaupapa e whakamahi ana i te taha o ngā tamariki o te Haikura.  Ahakoa kahoot, ahakoa gamification, ka hou atu ngā kaupapa o Mindlab ki roto i ngā karaehe.  I ia rā ka kitea atu hoki ngā tamariki ahakoa haikura, ahakoa Rumaki Reo, ahakoa kura tuatahi e rārangi ana i te tari matua ki te tiki i ngā chrome books.  Ko te mate kē ka pau katoa ngā chrome books i ia rā.  He tika, me hoko ano ētahi e te kura.  Kei te kamakama haere te mahi a ngā tamariki ki ngā mahi o te 21^st Century Learning.  Kei te matatau haere ngā kura mahita katoa ki ā mātau mahi hangarau, rorohiko i te taha o mātau tamariki katoa.

Hei whakakapinga whakaaro ōku. Nā te katoa o ngā mahi tino rawe a te Mindlab, kua tau ngā kura mahita katoa.  He wairua pai i waenga i te katoa. He mahi tahi.  He mahi tahi hoki ki a mātau hoa mahi ki kura kē. Ko te pai hoki ka whakamahi ngātahi ai ā mau tamariki mo te kapa haka, te whakamahi pī mīere me te hākinakina. Kua pākarukarungia taua pakitara i waenganui i ngā kura e rua, he iwi kotahi te iwi ināianei.

He tika tonu te whakatauki a Tā Āpirana Ngata kia whāia ai tātau ki ngā rawa ā te pākehā engari, me mau tonu e tātau i tō tātau Māoritanga.  

References:

Sharples, M., de Roock , R., Ferguson, R., Gaved, M., Herodotou, C., Koh, E., Kukulska-Hulme, A., Looi,C-K, McAndrew, P., Rienties, B., Weller, M., Wong, L. H. (2016). Innovating Pedagogy 2016:

http://www.canterbury.ac.nz/maoristudents/support/Ta_Apirana.shtml

Changes in Practice.

REFLECTIVE PRACTICE AND CHANGES IN PRACTICE 

Ko māua ko tētahi o āku hoa ngā whakamutunga mo te mahi Mindlab.  Kua ea katoa ngā mahi a o māua hoamahi, ā, ka mihi atu ki a rātau, ka tika.  I te wā o te Kirihimate, kua rīhaina tō mātau hoa a rōpū mo Mindalb.  Kare i oti tā mātau Literature Review, ka haere te wā ka oti, engari he tūreiti.  Nā, kāre māua ko taku hoa i tino pirangi te whakatūtuki i ngā mahi toenga.  Ka puta mai ko te taumahatanga. 

I tēnei tau ka whai tūnga hou wau hei tūmuaki tuarua , ā, i whāi māramatangaki ngā āhuatanga o tēnei mahi āku.  Ko wau hoki te kaiwhakahaere o te tīma whutupāoro mo te karapū o Wharekāhika. He kaiāwhina wau mo tā mātau rōpū kapa haka e whakataetae ana ā te Mei.  Kei roto nei wau i te kōmiti whakahaere ki te whakatū me te manaaki i ngā kura ki te whakataetae mo Ngā Manu Kōrero me te whakataetae kapa haka o Te Tairāwhiti me Tūranga-nui-ā-Kiwa. Ka whakaako tonu wau i āku karaehe katoa mo te Reo Māori tau 9 ki te 13. Ka whakaako wau i te maara kai i te taha o tētahi koroua i whakatipu ai i ngā taonga tuku iho ā koro mā, ā kuia mā. Ka whakarite awau i taku haerenga ki rāwāhi mo te whakanui i te 100 tau ki muri mo te pakanga o Arras ki Pari me Belgium. Tū atu i ngā mahi katoa nei ko te Mindlab, kua tata wau ki te whakamutu.  Ko tēnei taku aromatawai whakamutunga mo Mindlab.  Ahakoa he nui āku mahi i tēnei wa, nā te pononga me te tautoko o aku hoamahi i Rerekohu o roto o Minlab, kua tata wau ki te whakaoti katoa i āku mahi mo Mindlab.

Ki wau nei, kare i te pai te whakamahi Mindlab mai i July ki nāianei.  Ka whakamahi mātau mo Mindlab i te wa o nga whakamatautau whakamutunga mo ngā aromatawai-ā-waho mo te NCEA.  Kāre he pai hoki te whakatā i te wā o te kirihimete, o te whānau, o te hararei.  Kua roa te wehenga o mātau i a mātau, kua roa hoki te kore mahi ngātahi, te korero a kanohi, rānei.  Me tīmata i te tīmatanga o te tau hou.

Ka noho au ka whakaaro noa.  He rawe te whakamahi i te Mindlab.  Kua āwhinatia mātau e Mindlab te whakahirahiratanga mo te 21^st Century Leaning. I ohorere rawa katoa mātau ki ngā painga hei oranga mā ngā kura mahita me ngā tamariki.  Ko te mea anō hoki ko a mātau mahi, he hōhonu te  mahi tahi, he akiaki i ā mātau hoa, he noho tahi, he korero tahi, he mahi tahi, he kai tahi, he hoa tahi.  Nā te Mindlab ērā katoa i tuitui ai mātau hei oranga mo ā mātau tamariki.  To be 'connected' is the number one necessary thing to be a 21st century educator. (Cassidy, 2013).  Me 21^st Century tātau ko ngā kura mahita.  Ka kitea ngā painga i roto i ngā karaehe katoa i tēnei wā, kei te kamakama haere ngā tamariki ki ā mātau mahi i ahu mai i Mindlab.

E rua āku tīnihanga i tāku mahi hei kura mahita e ai ki te Practising Teacher Criteria (PTC) in e-learning. He nui ngā tīnihanga pai. Engari kua riro te Criterion 1-4 nā te mahi i ngā kaupapa katoa me te haere ki ngā hui ki Te Wai Ū i Ruatoria i ia Wenerei mo ngā wiki 16 mo te whā hāora.  Ko te mea nui kia u tonu mātau ngā kura mahita ki ngā mahi pai i te taha o ā mātau tamariki i ngā wā katoa. Kia tukua ngā rawa kia ngawari, kia koa hoki te mahi i ngā kauapap a te Mindlab.

Kua whai oranga anō mātau katoa i roto i tēnei mahi, ko te whakaako tamariki i roto i te 21^st Century.  Kua noho tata mātau nā te Mindlab.  He pai te wairua i roto i a mātau i whakamahia te Mindlab.  Kei te mōhio wau, he koa ā mātau tamariki. 

Hei whakakapinga, ka mihi ki a koe Tim, nāu rā mātau i tau ai ki ngā mahi o Mindlab, July 2016.

Reference:

Ministry of Education (nd). Practising teacher Criteria and e-learning. Retrieved from http://elearning.tki.org.nz/Professional-learning/

  

Activity 7 Practice Crossing Boundaries and Creating Connections

Kātahi anō au, ka whai tūnga hou hei tūmuaki tuarua o Te Waha o Rerekohu. Tua atu o tēnei tūnga hou, he kura mahita Māori taku mahi e ako ana i te reo ki nga tauira tau 9 ki tau 13. 

Ka noho au i konei, ka whakaaro noa mo ēnei kupu te Interdisciplinary Connections, ka mōhio āe kua mahia e au.  Ka tirohia ki taku coggle i raro iho nei ka whai māramatanga ai koe i ēnei o āku hononga ahakoa a roto, a waho rānei. Mai rānō i a Ngāi tātau ka mahi tahi ai i runga i ngā kaupapa o te mātauranga.  E ai ki a Mathison and Freeman (1997), mo te kotahi rau tau e mahitia ana.  I tēnei tau, he nui aku hononga i te kura, i ngā kura a rohe, i te hapū, i te iwi hoki. Kua tae mai tō mātau wā mo te paepaetapu.  Kua matemate katoa o mātau koroua.  Ka haere te tangihanga, kei reira mātau.  I muri iho i te kura, he hui a kura, a marae, a hapū, a iwi, he mahi kapa haka, he mahi whutupāoro.

Ko tā mātau kāenga, kura hoki, he whanaunga katoa mātau. He whanaunga ngā mātua, ngā pakeke, ngā pāpā, ngā kōkā ki a mātau ngā kura mahita. He mea whakahirahira tērā i te mea ka huihui mātau i ngā wā katoa mō ngā tamariki ahakoa kei ngā toa, kei ngā karapū, kei ngā marae, ahakoa kei whea mai rānei.  Ka tino mōhio mātau i ā mātau tamariki mai i tō rātau whānautanga mai ki tēnei ao, he irāmutu ngā mātua, he tauira tahito hoki ō rātau mātua.  Nā reira he ngawari ki a mātau te kōrero hāngai atu ki te whānau ahakoa te tamaiti, ahakoa te mate.

Ko tētahi o āku moemoea ko te mahi tahi i te taha o ngā whanaunga e mahi ana ki TKKM o KKMT ki Wharekahika.  Nā te Mindlab i tīmata mai tēnei o ngā hononga hei painga mā ngā kura mahita katoa me ā mātau tamariki.  I te wiki 17 o te Mindlab, ka kitea tēnei hononga mai i ngā hui i waenganui i ngā kura e rua nei.  Mai i konei, i ahu mai ngā whakaaro kia mahi tākaro tahi ai mātou o Rerekohu me nga tauira o Kawakawa.  I ia ahiahi o ngā Wenerei ka peka atu a Rerekohu ki te hōro hou o Kawakawa mahi tākaro ai. Ka mutu kua tīmata te mahi tahi i roto i te karehe e pā ana ki te Whakamahi Pii Mīere.  Kātahi kua tīmata te mahi kapa haka i waenga i ā mātau tamariki, mokopuna e whakarite nei i te rōpū mo ngā whakataetae kapa haka o Te Tairāwhiti ki konei. 

Ko tāku mahi hou hei tūmuaki tuarua, ka kitea he huarahi e hono atu ai ki tērā taumata.  Ko te hui i te taha o ngā tūmuaki nō ngā kura katoa o Te Tairāwhiti me Tūranga hoki.  I reira, ka whai hononga, ka whai māramatanga ai au i taku mahi.  Ko taku, kua tūtaki awau ki ērā hei kaiāwhina māku.  Engari kāre he tangata tū atu ki taku pāhi i Rerekohu arā a Caron.

Hei whakakapi tāku, ‘Ehara taku toa i te toa takitahi, engari he toa takitini’.

Reference:

Mathison, S. & Freeman, M.(1997). The logic of interdisciplinary studies.Presented at the Annual Meeting of the American Educational Research